لينا شمميان نبذة عنها و حفلتها في حمص

[size=18][color:81c9=blue][center]بدأت لينا شماميان، السورية من أصل أرمني، الغناء في سن مبكر وقامت بأول حفلة لها في سن الخامسة، وازداد شغفها بالغناء مع الزمن حتى قررت الانتساب للمعهد العالي للموسيقا، وذلك بعد تخرجها من كلية الاقتصاد عام 2002 وحصولها على الجائزة الثانية في مهرجان الدول الفرانكفونية.و حصلت على منحة المورد الثقافي في مصر لانتاج البومها الاول هالأسمر اللون عام 2005، وعلى جائزة الشرق الأوسط من اذاعة مونت كارلو عام 2006.

وبالاضافة لدراستها الغناء الكلاسيكي اهتمت أيضاً بألوان موسيقية مختلفة مثل الجاز، الموسيقا الأرمنية والموسيقا الشرقية، فانعكس هذا المزيج على اسلوبها في الغناء.


[img]http://weekly.ahram.org.eg/2006/818/pack07.jpg[/img]


و كان الامر و رحت على حفلة لينا بحمص ...
خلينا نبلش من موعد الحفلة كان الساعة 7 ... يعني محترمين مواعيد اهل حمص بالنوم باكرا عكس مواعيد اهل الشام اللي بتبلش الحفلة عندهم 8 و 9 كمان

الموقع ... بالصالة الرياضية ... اساسها كان ملعب كرة سلة شالو العوارض و حطوا ستيب خشبية و اضائة و كم هائل من المقاعد البلاستيكية بالاضافة لمقاعد الملعب الاساسية على المدرجات

و اجو طبعا مجلس مدينة حمص و قعدوا على المقاعد الامامية و الخ ....

فاتت لينا شمميان باطلالتها المنيرة و ثوبها الابيض و الذهبي و كندرة زحف !!!
انو ليش كندرة زحف يعني !!؟؟؟

المهم
ما بقدر اوصفلكم صوتها قدي شو حلو ... و على الرغم من تعالي اصوات الشعب الحمصي اللي قام يهوي بالمحارم و الشموع و يهلل بالايدين و يزعوط و يصفر و يزقف لدرجة انو في اغاني سمعت فيها صوت التزقيف اكتر من صوت لينا الا انو هالانسانة يحرم عليها اذا طلعت فوق النوتة او نشذت و لا بنص سطر .. سبحان الله على هالصوت الملائكي النقي البلوري الخام !!

و بعد ما غنت عدة اغاني اكتشف الفنانة لينا شمميان انو الشعب الحمصي يفضل الاغاني الراقوصة و ما كتير بيتحمس مع الاغاني لحزينة لانو يا حرام شعب كتير البو طيب و اول ما تبلش تغني مثلا يما لالا تحس عيون الكل دمعت و اكتئبو و اسودت الوجوه و انحنت الرؤوس

و لذلك كترت بالنصف الاخير من الحفلة اللي استمرت ساعة و نص من الاغاني المفرحة متل غنية ( قبل الصبح و بعد العشي ) الي عادتها مرتين ! من كتر شو لقت عليها اقبل و تحمس فوق الطبيعي

و الحق يقال يا جماعة ... انو الحماصنة كانو كتير كتير فرحانين فيها و حسيتون رح يشيلوها فوووووق فوووووق الراحات ... كانت رح تطير البنت من التزقيف

و رح اترككم مع صورها

[img]http://www.behindvoices.com/imfiles/lina1.JPG[/img]

هي لينا عند نهاية الحفلة قدمولها باقة ورد و كانت عم تنزل المنصة

[img]http://www.behindvoices.com/imfiles/lina12.JPG[/img]

لينا و هي تغني بانسجام عميق

[img]http://www.behindvoices.com/imfiles/lina121.JPG[/img]

صورة تبهدلت لاخدتا فيس تو فيس و هيي عم تغني .. و متل ما لاحظتو ما بتغني الا و هيي رافعة راسها لفوووووق ... و لا يمكن تحلمو تلقطولها صورة عم تتطلع فيكم

اي ...

و عقبال شي بارتي تانية انقللكم احداثياتها


By Fady Ghanem [/center][/color][/size]